5 июнь кунги дафн маросимида Эроннинг марҳум раҳбари Али Хоминаийнинг уч ўғли кўриниш берди. Эрон давлат телевидениеси Теҳрондаги йирик диний мажмуа — Катта Мусалло ҳовлисида тизиб қўйилган тобутлар ортида Мустафо, Майсам ва Масъуд Хоминаий дуо қилаётганини намойиш этди.
Three sons of slain Iranian leader Ayatollah Ali Khamenei prayed beside his coffin, but Mojtaba, the son who succeeded him as Iran's supreme leader, did not make an appearance https://t.co/2gnyAzlAhQ pic.twitter.com/lKjLaw4cwY
— Reuters (@Reuters) July 5, 2026
Уларнинг отаси – Али Хоминаий оиланинг бошқа бир неча аъзолари билан бирга жорий 28 февраль куни АҚШ ва Исроил Эронга қарши уруш бошлаган пайтдаги авиазарба оқибатида ҳалок бўлганди. Томонлар оташкесимга эришгунга қадар бир неча ой давом этган уруш бутин Яқин Шарқда ўлим ва вайронагарчиликларга сабаб бўлди.
Давлатга бўлган оммавий садоқат ва инқилобий ғайратни намойиш этиш мақсадида Ислом Республикаси Хоминаий учун бир ҳафталик оммавий дафн маросимларини ўтказмоқда. Жумладан, унинг жасадини қўшни Ироқдаги шиаларнинг муқаддас қадамжоларига ҳам олиб бориш режалаштирилган.
Эроннинг юқори мартабали раҳбарлари ва хорижий расмийлар видолашиши учун бир кун давомида ёпиқ бинода қолдирилган Хоминаийнинг тобути шанба куни шиша ғилоф остида намойиш этилди.
Янги раҳбар кўриниш бермади, аммо миллионлаб одамлар келди
28 февраль кунги ҳужумда яралангани айтилаётган Мужтабо ҳали ҳам жамоатчилик орасида кўриниши бергани йўқ: унинг бирор-бир сурати ҳам эълон қилинмади.
Reuters манбаларига кўра
