Еврокенгаш раиси Шарль Мишель ўз қўриқчиларидан бири коронавирусга чалингани сабабли карантинга кетишга мажбур бўлди. Шу сабабли Еврокенгашнинг 24-25 сентябрга белгиланган саммити бир ҳафтага қолдирилди.
Мишелнинг матбуот котиби Баренд Лейтснинг таъкидлашича, Еврокенгаш раҳбари мунтазам равишда коронавирусга таҳлил топширмоқда ва унинг охирги топширган тести манфий чиққан. Мишель ўз қўриқчиларидан бирида коронавирус аниқлангач, Бельгия қоидаларига риоя қилган ҳолда карантинга чиққан.
Шу сабабли Еврокенгаш саммити ўтказилиши 1-2 октбярь кунларига кўчирилган.