Коронавирус: Сўнгги бир кунда 500дан зиёд янги ҳолатлар аниқланди, шу вақтгача тузалганлар сони 50 мингдан ошди

Расмий статистикада жами ҳолатлар сони 53 мингга яқинлашди: ҳозиргача 53 966 кишида коронавирус аниқланган. Улардан 50 441 нафари тузалган.

Қурбонлар сони камида 3 нафарга ортиб, ССВ статистикаси бўйича 447 нафарга етди.

Янги ҳолатлар (+519)
Сўнгги кунларда Тошкент шаҳри ва Тошкент вилоятидан кейин касаллик энг кўп қайд этилган вилоят бўлган Наманганда 24 сентябрь куни янги ҳолатлар ҳақида эълон қилинмади.

• Тошкент шаҳрида 253 ҳолат;
• Тошкент вилоятида 128 ҳолат;
• Қашқадарё вилоятида 35 ҳолат;
• Сурхондарё вилоятида 19 ҳолат;
• Бухоро вилоятида 13 ҳолат;
• Жиззах вилоятида 25 ҳолат;
• Самарқанд вилоятида 12 ҳолат;
• Сирдарё вилоятида 12 ҳолат;
• Фарғона вилоятида 7 ҳолат;
• Андижон вилоятида 7 ҳолат;
• Навоий вилоятида 5 ҳолат;
• Қорақалпоғистонда 3 ҳолат.

Тузалганлар (+609)
Расмий маълумотларга кўра, Ўзбекистонда COVID-19 юқтириб олгани тасдиқланган беморларнинг 93 фоизи тузалиб чиққан.

• Тошкент шаҳрида 359 нафар;
• Тошкент вилоятида 121 нафар;
• Наманган вилоятида 60 нафар;
• Жиззах вилоятида 28 нафар;
• Қашқадарё вилоятида 19 нафар;
• Фарғона вилоятида 7 нафар;
• Қорақалпоғистонда 6 нафар;
• Андижон вилоятида 5 нафар;
• Навоий вилоятида 2 нафар;
• Сирдарё вилоятида 2 нафар бемор тузалди.

Ўлим ҳолатлари (+3)
Соғлиқни сақлаш вазирлиги бугун вафот этгани тасдиқланган уч нафар бемор ҳақида ҳам ҳеч қандай қўшимча маълумот бермади.

Айни пайтда тиббиёт муассасаларида 3 078 нафар бемор даволанмоқда, улардан 548 нафари оғир, 469 нафари эса ўта оғир аҳволда.