Япония хорижликлар учун мамлакатга киришга қўйилган чекловларни юмшатади

Япония пандемия сабабли 160га яқин мамлакат фуқароларига мамлакатга киришни тақиқлаганди.

Фото: Reuters

Япония хориж мамлакатлари фуқаролари учун мамлакатга киришга қўйилган чекловларни октябрда юмшатади. Бу ҳақда мамлакатнинг янги бош вазири Ёсихидэ Суга маълум қилди.

"Иқтисодиётни тиклаш учун халқаро қатновларни йўлга қўйиш керак", - дея унинг сўзларидан иқтибос келтирмоқда Kyodo агентлиги.

Шу билан бирга, бош вазирнинг сўзларига кўра, юмшатишлар туристларга тааллуқли эмас. Гап тиббий, таълим ва тадбиркорлик мақсадидаги ташрифлар ҳақида бормоқда.

Япония пандемия сабабли 160га яқин мамлакат фуқароларига мамлакатга киришни тақиқлаганди. Мамлакатда коронавирус юқтирганлар сони 80 мингдан ошган, 1,5 минг киши вафот этган.

Тайёрлаган Дилшод Аскаров

#Япония #пандемия

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.