Франция пойтахти Парижда портлаш овози эшитилди. Бу ҳақда қатор маҳаллий нашрлар бир вақтда ёзишди.
Гумбурлаган овоз Францияда ўтаётган «катта дубулға» туркумидаги «Ролан Гаррос-2020» теннис мусобақаси трансляцияси вақтида ҳам эшитилди. Швейцариялик Стэн Вавринка ҳамда германиялик Доминик Кёпфер ўртасидаги баҳснинг биринчи сетида қаттиқ гумбурлаш эшитилгач, теннисчилар бир муддат тўхтаб қолишди. Ташкилотчилар томонидан ҳеч қандай ишора бўлмагач, спортчилар баҳсни давом эттиришди.
?? #RG20 (🎥@Eurosport_RU ) pic.twitter.com/DFljsHm0DR
— doublefault28 (@doublefault28) September 30, 2020
Париж полицияси тезда бу борада маълумот берди. Полиция хабарига кўра, бу гумбурлаган овоз портлаш сабаб юзага келмаган. Шунчаки Париж осмони бўйлаб синов парвозини амалга ошираётган қирувчи самолётлардан бири овоз чегарасини кесиб ўтган.
Париждаги гумбурлаган овоз сабаб #Paris ҳештеги Twitter'да трендга чиқиб кетди. Бир неча дақиқа ичида Twitter'нинг инглизча контентида Париждаги гумбурлаган овоз ҳақида 20 мингдан ортиқ пост қўйилди.
Bruit entendu à #Paris : Pas d'explosion, c'est un avion de chasse qui a franchi le mur du son.
— Johan Rouquet (@JohanRouquet) September 30, 2020
Pour info, le mur du son est franchi au delà de 1200km/h et une onde sonore se propage à cet instant comme on peut le voir sur ces images lors d'un évènement militaire aux USA. pic.twitter.com/5QhLE7yFvU
Фойдаланувчилар қирувчи самолётнинг овоз чегарасини кесиб ўтиши чиндан портлашга ўхшаган овоз чиқариши ҳақида ёзиб, буни исботловчи видеолар ҳам улашди.
