Илҳом Алиев аввалроқ озарбойжонлик ҳарбийлар Жаброил шаҳри (Мехакаван) ва Тоғли Қорабоғдаги бир неча қишлоқни эгаллашгани ҳақида маълум қилганди.
Фото: Озарбайжон Мудофаа вазирлиги
Озарбойжон президенти Илҳом Алиев мамлакат армияси Қорабоғдаги қатор позицияларни назорат остига олганлигини маълум қилди.
"Бугун Озарбойжон армияси Жаброил туманидаги Шихали Оғали, Сарижали ва Мезре қишлоқларини ҳамда турли йўналишлардаги қатор стратегик тепаликларни эгаллади", — деб ёзди Алиев Twitter саҳифасида.
Илҳом Алиев аввалроқ озарбойжонлик ҳарбийлар Жаброил шаҳри (Мехакаван) ва Тоғли Қорабоғдаги бир неча қишлоқни эгаллашгани ҳақида маълум қилганди.
Тоғли Қорабоғдаги вазият 27 сентябрь куни кескинлашди. Боку ва Ереван бунинг учун жавобгарликни бир-бирларига юклади.
Низо қатнашчилари ҳарбий сафарбарлик эълон қилган. Ҳарбий тўқнашувлар натижасида ҳар икки томон йўқотишларга учраган.
