Таиландда поезд автобус билан тўқнашиши оқибатида 20 киши ҳалок бўлди

Таиланд шимолидаги темир йўл кесишмасида поезднинг автобус билан тўқнашиши оқибатида камида 20 киши ҳалок бўлди, 30дан кўпроқ киши жароҳат олди.

Ичида 60га яқин йўловчи бўлган автобус Самутпракан провинциясидан Чачоенгсаодаги ибодатхоналардан бирига йўналаётган бўлган. Воқеа маҳаллий вақт билан соат 8да шлагбаумсиз темир йўл кесишмасида юз берган.  

Дастлабки маълумотларга кўра, автобус ҳайдовчиси семафорнинг поезд яқинлашаётгани ҳақидаги огоҳлантирувчи белгисига қарамай, кесишмадан ўтиб кетишга уринган. Поезд машинисти фавқулодда тормозлашни қўллашига қарамай, поезд автобуснинг олд қисмига келиб урилган. 

Маълум қилинишича, автобусда Самутпракандаги фабрикалардан бирининг ишчилари бўлган. Полиция воқеани тергов қилишни бошлаган.