Германия аҳолиси 10 йил ичида илк бор қисқарди

Германия аҳолиси 2010 йил 2-ярмидан бери биринчи марта қисқарди. Статистик маълумотларга кўра, Германия аҳолиси 2020 йилнинг 1-ярмида 40 минг кишига қисқарган.

Фото: Reuters

Маълумотларга кўра, айни вақтда мамлакатда 83,1 млн киши яшамоқда.

Германия аҳолисининг қисқариши пандемия сабабли мамлакатга келувчи муҳожирлар оқимининг кескин камайгани билан боғланмоқда. Статистик маълумотларнинг кўрсатишича, жорий йилнинг илк 6 ойида Германияга келувчи муҳожирлар сони 29 фоизга қисқарган.

Германияда бир неча йил давомида паст туғилиш даражаси иммиграция даражасининг юқорилиги билан қоплаб келинган.