Билл Гейтс коронавирус билан боғлиқ вазият янада ёмонлашиши тўғрисида огоҳлантирди

Гейтснинг қайд этишича, вакцина пайдо бўлгунига қадар вирусга қарши курашишнинг биргина йўли бор, бу - ниқоб тақиш.

Фото: Jack Taylor / Getty Images

Microsoft асосчиси Билл Гейтс коронавирус билан боғлиқ вазият аввалгидан янада ёмонлашиши тўғрисида огоҳлантирди. Бу ҳақда Fox Business ёзмоқда.

«Куз ёзга нисбатан анча ёмон бўлади», — деган у.

Гейтснинг сўзларига кўра, ҳозирда касалланиш ҳолатлари ўсмоқда, совуқ тушиб одамлар кўп вақтини ёпиқ жойларда ўтказа бошлаши касалланганлар сони янада ўсишига олиб келади.

Унинг қайд этишича, бундан ташқари, вакцина пайдо бўлгунига қадар вирусга қарши курашишнинг биргина йўли бор, бу одамларнинг ўзини тутишлари.

«Афсуски, одамлар чарчади, кўпчилик бу борада салбий фикрда. АҚШда ниқоб тақиш режимига амал қилиш анча ёмон», — деди у.

Гейтс аввалроқ коронавирус пандемияси 2022 йилда тугаши мумкинлигини тахмин қилганди.

Тайёрлаган Дилшод Аскаров

#Билл Гейтс #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.