Туркманистонда аҳоли ниқоб тақишга чақирилмоқда

Мамлакат соғлиқни сақлаш вазирлигининг расмий маълумотига кўра, Туркманистонда коронавирус юқтириш билан боғлиқ бирорта ҳам ҳолат қайд этилмаган.

Фото: REUTERS/Vyacheslav Sarkisyan

Коронавирус расман қайд этилмаган Туркманистонда мамлакат аҳолиси ҳимоя ниқоби тақиш ва хавфсиз масофага риоя қилишга чақирилмоқда.

"Алтин асир" миллий алоқа оператори абонентлари мамлакат соғлиқни сақлаш вазирлигининг ана шу мазмундаги СМС хабарларини олишган.

"Ҳурматли фуқаролар! Саломатлигингизни мустаҳкамлаш мақсадида тиббий ҳимоя ниқоблари тақишни, одамлар гавжум жойларда икки метрлик масофага риоя қилишни ва шахсий гигиена талабларини бажаришни маслаҳат берамиз", - дейилади вазирлик СМС хабарида.

Шу билан бирга, мамлакатда айрим чеклов чоралари жорий этилган.

#Туркманистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.