Олимлар бой ва қашшоқ мамлакатлардаги коронавирусдан ўлим ҳолатларини таққослашди
Олимларнинг маълумотларига кўра, аҳолиси кам даромад оладиган мамлакатларда ушбу кўрсаткич 0,23 фоизга, бой мамлакатларда эса 1,15 фоизга тенг.
Лондон Империя коллежи олимлари умумий коронавирус беморлари орасида инфекциядан ўлим коэффициентини (infection fatality ratio, IFR) ҳисоблаб чиқишди. Тадқиқот натижаларига кўра, ушбу кўрсаткич аҳолиси кўп даромад оладиган мамлакатларда юқори эканлиги маълум бўлди.
Тадқиқот муаллифлари 175та илмий иш ва антитаналар бўйича ўнта тадқиқотни ўрганишди. Улар коронавирус кекса ёшдагилар учун хавфлироқ деган хулосага келишди. Шу билан бирга, уларнинг фикрича, ёшнинг ҳар саккиз йилга катталиги ўлим хавфини оширади. 40 ёшгача бўлганларда ўлим коэффициенти 0,1 фоизни, 80 ёшдан катталарда эса 5 фоизни ташкил қилган.
Олимларнинг маълумотларига кўра, аҳолиси кам даромад оладиган мамлакатларда IFR 0,23 фоизга, бой мамлакатларда эса 1,15 фоизга тенг.
Тадқиқот ҳаммуаллифи, Люси Океллнинг қайд этишича, коронавирус нафақат кексалар, балки ўрта ёшдагилар учун ҳам хавфли.
«Бизнинг ҳисоб-китобларимизга кўра, 50-55 ёшдаги ҳар 260 бемордан бири ушбу касалликдан вафот этган», — деди у.
Сентябрь охирларида Бостон университети тиббиёт мактаби олимлари қонида D витамини етарли бўлган беморларда коронавирусдан ўлиш кўрсаткичи кам бўлишини маълум қилишганди. Май ойида қиролича Елизавета шифохонаси ва Шарқий Англия университети олимлари ҳам D витамини ва коронавирусдан ўлиш кўрсаткичи орасида боғлиқлик борлигини айтишганди.
Мавзуга оид
10:06 / 16.02.2023
Ковиддан кейинги синдром бир неча ой ичида ўзини намоён қилиши мумкин — мутахассис
03:31 / 16.02.2023
Коронавируснинг келиб чиқиши бўйича ЖССТ суриштируви тўхтаб қолди
10:02 / 31.01.2023
ЖССТ пандемия тугаганини эълон қилишига айрим ҳудудлардаги вазият тўсқинлик қилмоқда
23:06 / 16.01.2023