Тожикистонда таҳсил олаётган ўзбекистонлик талабаларнинг мамлакатга киришига рухсат берилди

Коронавирус пандемияси тарқалишининг олдини олиш ҳамда Тожикистонда президентлик сайловлари ўтказилиши муносабати билан мамлакатга киришни чеклаш тартиби жорий этилган эди.

Сариосиё ҳокимлиги ахборот хизмати 2020 йилнинг 2 ноябрь кунидан ҳужжатлари тақдим этилган талабаларнинг 50 нафари Сариосиё божхона чегара постидан Тожикистонга ўтишига рухсат бергани ҳақида хабар қилган.

Маълумот учун, талабалар Тожикистонга кириш учун фуқаролик паспорти нусхаси, талабалик гувоҳномаси ҳамда сўнги 72 соатда коронавирус инфекцияси аниқланмагани тўғрисида тест таҳлили натижасини божхона пости масъулларига топширишлари талаб қилинади.