Қўшимча функционаллар
-
Тунги кўриниш
Автотранспорт воситасини божхона расмийлаштирувидан ўтказиш тартиби ўзгартирилди
Давлат божхона қўмитаси “Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низомга киритилаётган ўзгартириш ва қўшимчалар” тўғрисидаги қарорни қабул қилди.
Фото: autostat.ru
Ҳужжат президентнинг 2020 йил 5 июлдаги ПФ-6005-сон "Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида"ги фармонига мувофиқ қабул қилинган.
Norma’нинг хабар беришича, низомнинг 7-бандида аниқлаштирилишича, автотранспорт воситасини қайтариб олиб чиқишда мажбуриятнома тузилади, у "Авто" ягона автоматлаштирилган ахборот тизими орқали кириш божхона пости ходими томонидан давлат, рус ва инглиз тилларидан бирида чоп этилади ҳамда хорижий автотранспорт воситасининг эгасига берилади.
Низом қуйидаги мазмундаги 12-1-банд билан тўлдирилди:
“Вақтинча олиб кириш муддати тугашидан олдин Ўзбекистон Республикаси ҳудудидан чиқиб кетаётган ҳайдовчи божхона органига автотранспорт воситасини вақтинча сақлаш учун ёзма ёки электрон тарзда мурожаат қилган тақдирда, ушбу автотранспорт воситаси божхона органи томонидан белгиланадиган жойларда вақтинча сақлаш даври учун 16-бандда кўрсатилган йиғим тўланмайди, бундан автотранспорт воситасини сақлаш билан боғлиқ харажатлар мустасно ҳисобланади”.
17-банднинг янги таҳрири энди вақтинча олиб кириш муддати тугашидан олдин ушбу муддатни узайтириш учун хорижий автотранспорт воситасининг эгаси белгиланган муддат тугашидан аввал хорижий автотранспорт воситаси турган жойдаги божхона постига муддатни узайтиришни сўраб ёки электрон тарзда масофадан тўловларни амалга оширган ҳолда реал вақт режимида мурожаат қилиши зарурлигини назарда тутади. Мурожаатга 16-бандда назарда тутилган йиғим тўланганлигини тасдиқловчи ҳужжат нусхасини илова қилиш лозим. Тегишли божхона пости муддатни йиғим қанча муддат учун тўланган бўлса, шунча муддатга узайтиради ва "Авто" тизимида унинг муддати узайтирилганлиги тўғрисидаги ахборотни киритади.
Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низомнинг 3-бандига кўра, хорижий автотранспорт воситаси Ўзбекистон Республикасига киришида кириш божхона пости ходими томонидан "Автотранспорт воситасини қайтариб олиб чиқиш тўғрисида мажбуриятнома" расмийлаштирилади.
Қарорда низомга бошқа ўзгартиришлар ҳам назарда тутилган.
Ҳужжат 26.01.2021 йилдан кучга киради.
Мавзуга оид
17:56 / 06.11.2024
Тезкор қидирув тадбирлари тизимининг техник воситалари бождан озод қилинди
12:37 / 05.11.2024
Сирдарёда буви ва невара қарийб 7 кг тилла тақинчоқни чегарадан яширинча олиб киришга уринди
08:30 / 02.11.2024
Автотранспортнинг вазни ва ҳажми устидан назорат хусусий секторга ўтказилади
15:30 / 23.10.2024