Литва президенти ЕИни Беларусь АЭСида ишлаб чиқарилган электр энергиясини сотиб олмасликка чақирди
Литва парламенти Беларусь АЭСни миллий хавфсизликка таҳдид деб эълон қилди.
Литва президенти Гитанас Науседа ЕИ етакчиларига Беларусь АЭСида ишлаб чиқарилган электр энергиясини Европа бозорига киритмаслик чақириғи билан мурожаат қилди. Бу ҳақда Литва президенти матбуот хизмати хабар берди.
Вильнюснинг фикрича, Беларусь Литва билан чегарада, Вильнюсдан 50 км узоқликда қурган атом электр станцияси хавфли ҳисобланади.
Науседа Европа ҳамжамиятини Беларусь электр энергиясини сотиб олишни тўхтатган Литвадан ўрнак олишга чақирди.
Литванинг таъкидлашича, БелАЭС лойиҳаси ядро энергетикаси соҳасидаги халқаро талаблар бузилган ҳолда амалга оширилган. Литва парламенти мазкур АЭСни миллий хавфсизликка таҳдид деб эълон қилди ҳамда у ерда ишлаб чиқарилган электр энергиясини сотиб олиш ҳамда электр тармоқлари орқали ўтказишни тақиқлади.
Беларусь эса Вильнюснинг эътирозлари сиёсий тусда эканлигини айтмоқда.
Мавзуга оид
19:08 / 17.09.2024
8 мингга яқин ўзбекистонлик Литвада яшаш учун рухсатнома олгани маълум бўлди
14:57 / 14.09.2024
Литвада Бундесвер қўшинларини жойлаштириш тўғрисида битим имзоланди
07:12 / 14.09.2024
Литвага пул эвазига ишга юборишни ваъда қилган шахс ушланди
07:41 / 11.09.2024