Намойишчилар Тоғли Қорабоғдаги ўт очишни тўхтатиш шартларини танқид қилиб, Пашиняннинг истеъфосини талаб қилишмоқда.
Ереван марказидаги Республика майдонида Арманистон бош вазири Никол Пашиняннинг истеъфосини талаб қилиб чиққан намойишчилар ва полициячилар ўртасида тўнашувлар бошланди.
Намойишчилар Тоғли Қорабоғдаги ўт очишни тўхтатиш шартларини танқид қилиб, Пашиняннинг истеъфога чиқишини талаб қилишмоқда. Аввалроқ Арманистондаги 17та сиёсий партия унинг истеъфосини талаб қилиб митинг чақирганди.
10 ноябрга ўтар кечаси Озарбойжон президенти Илҳом Алиев, Арманистон бош вазири Никол Пашинян ва Россия президенти Владимир Путин Тоғли Қорабоғдаги барча жанговар ҳаракатларни тўлиқ тўхтатиш ҳақида уч томонлама баёнот қабул қилди.
Ушбу баёнотга кўра, Озарбойжон ва Арманистон томонлари ҳозирда эгаллаб турган жойларида қолади. Тоғли Қорабоғдаги туташув чизиғи ва ҳудудни Арманистон билан боғловчи йўлак бўйлаб Россиянинг тинчликпарвар кучлари жойлаштирилади.
