Қўшимча функционаллар
-
Тунги кўриниш
Арманистон ташқи ишлар вазири истеъфога чиқди
Вазир баёноти эълон қилинишидан бир неча дақиқа аввал бош вазир Никол Пашинян парламентда қилган чиқишида Зограб Мнацаканянни истеъфога чиқармоқчи эканлигини айтган.
Фото: ТАСС
Арманистон ташқи ишлар вазири Зограб Мнацаканян истеъфога чиқди. Бу ҳақда вазирлик матбуот котиби Анна Нагладян маълум қилди.
«Истеъфомни қабул қилишингизни сўрайман. Ишонч ва ҳамкорлигингиз учун миннатдорлик билдираман», — дея Мнацаканяндан иқтибос келтирмоқда Sputnik. Арманистон.
Агентликнинг ёзишича, вазир баёноти эълон қилинишидан бир неча дақиқа аввал бош вазир Никол Пашинян парламентда қилган чиқишида Мнацаканянни истеъфога чиқармоқчи эканлигини айтган.
Унинг сўзларига кўра, 2018 йилда бошланган музокаралар жараёни Тоғли Қорабоғ ҳудудларининг топширилишига олиб келган. Бош вазирнинг қўшимча қилишича, музокаралар давомида Шуша шаҳрини ҳам Озарбойжонга бериш масаласи ҳам муҳокама қилинган.
Арманистон ташқи ишлар вазирлиги матбуот котиби Анна Нагдалян Пашиняннинг ушбу баёнотини изоҳлар экан, «тинчлик музокараларининг ҳеч бир босқичида Шуша шаҳридан воз кечиш масаласи кўтарилмаган»ини билдирди.
10 ноябр куни Пашинян Озарбойжон ва Россия билан Тоғли Қорабоғда ўт очишни тўхтатиш ва Бокуга айрим ҳудудларни, жумладан Шуша шаҳрини бериш тўғрисида келишув имзолаганини маълум қилди. Шундан сўнг Ереванда мазкур келишувга қарши норозилик намойишлари бошланди.
Мавзуга оид
10:10 / 09.10.2024
РФ чегарачилари Арманистон ва Эрон чегарасини қўриқлашни тўхтатади
20:10 / 02.10.2024
Ўзбекистонлик хоккейчилар илк маротаба жаҳон чемпионатида иштирок этади
20:16 / 27.09.2024
Арманистон Боку билан тинчликка эришиш учун Конституциясини ўзгартиришга тайёр
20:33 / 18.09.2024