Россия авиакомпаниялари Ўзбекистонга доимий рейсларни тиклаш ҳуқуқини олди

Агентлик буйруғида айтилишича, бундай рухсатнома Беларус, Исроил, Кипр, Ливан, Марокаш, Уммон, Словакия, Финландия, Хорватия, Куба, Малдив ороллари, Ўзбекистонга йўловчи ва юкларни ташиш фаолиятини амалга оширувчи авиакомпанияларга берилди.

Федерал агентлик вакилининг таъкидлашича, ушбу ҳужжат авиақатновлар тикланганини англатмайди.

Қайд этилишича, самолётлар келажакда Новосибирск – Бухоро, Екатеринбург – Бухоро, Краснодар – Қарши, Москва – Навоий, Санкт – Петербург – Нукус, Екатеринбург – Урганч ва Санкт – Петербург – Урганч йўналишларида парвоз қилиши мумкин.

Россия март охирларида бошқа мамлакатлар билан мунтазам ва чартер авиақатновларни тўхтатганди. Кейинроқ чекловлар босқичма-босқич олина бошланди.