Тошкент метросида йўловчи ташиш ҳажми сезиларли даражада ошди, фуқаролардан ниқоб ва қўлқопларни ечмаслик сўралди

«Тошкент метрополитени» унитар корхонаси метрода йўловчи ташиш ҳажми сезиларли даражада ошганини маълум қилиб, фуқароларга эслатма билан чиқди.

Корхона хабарида айтилишича, об-ҳаво шароитларини инобатга олган ҳолда, пойтахт йўлларида транспортда ҳаракатланиш тезлигининг чекланганлиги сабабли, метрода йўловчилар ташиш ҳажми сезиларли даражада ошган.

«Барчангиздан иложи борича ижтимоий масофани сақлашни, бир-бирингизни ҳурмат қилишингизни, ниқобларни ечмасликни ва чиптахоналарда тарқатилаётган ҳимоя қўлқоплардан фойдаланишингизни илтимос қиламиз», - дейилади «Тошкент метрополитени» хабарида.

Аввалроқ, Тошкентдан шаҳарлараро йўналишда қатновчи барча автобус рейслари бекор қилингани хабар берилганди.