14 ёшли ўсмирнинг бўйи 221 сантиметрга тенг.
Фото: guinnessworldrecords.com
Хитойлик 14 ёшли мактаб ўқувчиси Рэн Кэю дунёдаги энг баланд ўсмир сифатида Гиннеснинг рекордлар китобига киритилди. Бу ҳақда Guinness World Records сайтида маълум қилинди.
Қайд этилишича, унинг бўйи 221 сантиметрни ташкил этади.
Гиннес рекордлар китоби ҳузуридаги қўмита экспертлари октябрда ўсмирнинг бўйини бир неча марта ўлчашган ва рекордни расман қайд этишган.
Хабар қилинишича, Рэннинг дарозлиги ҳеч қандай касаллик билан боғлиқ эмас. Бу бир неча бор ўтказилган тиббий текширувлар натижасида тасдиқланган.
