Японияда ҳайдовчисиз автобуслар синовдан ўтказилмоқда

Япония пойтахти Токио яқинида жойлашган Сакаи шаҳрида бепул ҳайдовчисиз автобуслар синовдан ўтказила бошланди.

Фото: Видеодан кадр

Синовларни Softbank компаниясининг шўъба компанияси ўтказмоқда. Франциянинг Navya Arma компанияси ишлаб чиққан автоном автобус соатига 25 км йўл босади ва 15 йўловчи таший олади. Автобус тўлиқ қувватланган аккумуляторда 9 соат ишлайди.

Автобусда рул ва ҳайдовчи ўриндиғи йўқ, у масофадан бошқарилади. Автобусларнинг ҳаракатланиши GPS ёрдамида кузатиб борилади.

Таъкидланишича, Сакаи умумий фойдаланиш йўлларида автоном автобуслар пайдо бўладиган биринчи япон шаҳри бўлади.