ЕИ бешта шартномага мувофиқ 2 млрд доза COVID-вакцина сотиб олади

Еврокомиссия раҳбари Урсула фон дер Ляйен вакцина йил охирига қадар етказилишига умид билдирди.

Фото: Kirsty Wigglesworth/AP

Еврокомиссия коронавирусга қарши вакцина етказиб берилиши бўйича бешинчи шартномани тузди. Турли ишлаб чиқарувчилардан буюртма қилинган вакциналар дозаси 2 млрд.га етди. Бу ҳақда Еврокомиссия раҳбари Урсула фон дер Ляйен маълум қилди.

Унинг сўзларига кўра, Еврокомиссия Германиянинг CureVac фармацевтика компанияси ишлаб чиқарган вакцинани етказиб бериш бўйича шартнома имзолаган.

"Биз қарийб 2 миллиард доза бўлғуси вакцинага буюртма бердик", – деб ёзди у Twitter саҳифасида.

Урсула фон дер Ляйен вакцина йил охирига қадар етказилишига умид билдирди.

Маълумотларга кўра, Евроиттифоқ Pfizer-BioNTech ва CureVac компаниялари вакциналари учун 10 млрд доллардан ортиқ пул тўлаши мумкин.

Тайёрлаган Дилшод Аскаров

#ЕИ #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.