Трамп президентликни тарк этишдан олдин Хитойнинг яна бир нечта компанияларига зарба бермоқчи
CNOOC учун санкциялар жиддий зарба бўлади. Компаниянинг ExxonMobil билан умумий лойиҳалари бор, у АҚШ қурилмаларидан фойдаланади.
Доналд Трампнинг президентликдан кетиши олдидан Хитойнинг China National Offshore Oil Corp (CNOOC) нефт бурғулаш компаниясига нисбатан АҚШ санкциялари киритилади. Бу ҳақда Оқ уйдаги манбасига таяниб Reuters хабар берди.
Чеклов чоралари киритилишига Жанубий Хитой денгизида олиб борилаётган бурғулаш ишлари сабаб бўлади, деб тахмин қилмоқда Сямин университети ҳузуридаги ХХР энергетика сиёсати тадқиқотлари институти декани Лин Босен.
CNOOC учун санкциялар жиддий зарба бўлади. Компаниянинг ExxonMobil билан умумий лойиҳалари бор, у АҚШ қурилмаларидан фойдаланади. Хорижий инвесторлар капиталнинг 16,5 фоизига эга бўлиб, компания ташқаридан молиялаштириш манбаларини топишига тўғри келади.
Шунингдек, санкциялар рўйхатига China Construction Technology Co Ltd, China International Engineering Consulting Corp ва Semiconductor Manufacturing International Corp (SMIC) компаниялари ҳам киритилади. Охирги компания микросхемалар ишлаб чиқарувчи йирик компания ҳисобланади.
Хитой ташқи ишлар вазирлиги расмий вакили Хуа Чуньин АҚШ янги савдо тўсиқлари жорий этмаслигига умид билдирди.
Мавзуга оид
22:33 / 07.10.2024
АҚШ Қозоғистонда АЭС қуриш бўйича тендерда иштирок этиш истагини билдирди
21:16 / 06.10.2024
Трамп сайловда ғалаба қозонса, америкаликларни Марсга қўндиришга ваъда берди
18:30 / 06.10.2024
Хитойлик олимлар Эверестнинг ўсганини қайд этди
09:51 / 06.10.2024