Хитой фазовий қурилмаси Ойдан тупроқ намунаси олди (видео)

Модул Ойнинг кўринадиган томонидаги Бўронлар океанига қўндирилганди. Ой сиртида бурғилаш ишларини амалга ошириш, 2 кгга яқин тупроқ намунасини олиш, уни қадоқлаш бўйича ишлар 19 соат давом этган. Модул тупроқ олишдан ташқари Ой сирти таркибини ўрганиш бўйича ишларни бажарган.

Шундан кейин қурилма Ой сиртидан уни орбитада кутиб турган бошқа модул томон учган. Ушбу модул Ой тупроғи солинган капсулани қабул қилиб, у билан бирга Ерга қайтади. Қурилма Ерга яқинлашгач, капсулани ташлайди. Капсулани 16 декабрда Хитой шимолидаги Ички Мўғулистон мухтор туманига қўндириш режалаштирилган.  

2019 йилда Исроилнинг SpaceIL хусусий компанияси ва Ҳиндистон ҳам ўз қурилмаларини Ойга жўнатганди. Бироқ иккала қурилма ҳам Ойга қўниш вақтида фалокатга учраган. Фақатгина Хитойнинг “Чанъэ-4” қурилмасини Ойнинг кўринмайдиган томонига қўндиришга муваффақ бўлинган.