Қирғизистон барча мамлакатлар фуқаролари учун чегараларини очди
Йўловчилар самолётга чиқишда 72 соатдан кўп бўлмаган муддат ичида коронавирусга топширган тести натижасини кўрсатишлари лозим.
Қирғизистон барча мамлакатлар фуқаролари учун чегараларини очди. Коронавирус пандемияси сабабли киритилган чекловлар олиб ташланганлиги тўғрисида Қирғизистон ТИВ маълум қилди.
«4 декабрдан бошлаб хориж фуқаролари ва фуқаролиги бўлмаган шахслар мунтазам авиақатновлар орқали Қирғизистонга келишлари мумкин», — дейилади ТИВ хабарида.
Қайд этилишича, йўловчилар самолётга чиқишда 72 соатдан кўп бўлмаган муддат ичида коронавирусга топширган тести натижасини кўрсатишлари лозим.
Бундан ташқари, Қирғизистонга келгандан сўнг санитар-карантин пунктлари ходимлари томонидан тест натижаси текширилади. Агарда парвоз давомийлиги ёки рейс кечикиши туфайли тест натижаси муддати ўтиб кетган бўлса, у ҳолда фуқаро яна бир марта тест топшириши шарт.
Маълумотларга кўра, Қирғизистонда коронавирус юқтириш билан боғлиқ 74,7 мингдан ортиқ ҳолат қайд этилган.
Мавзуга оид
20:39 / 03.10.2024
Садир Жапаров Қирғизистонда яшовчи миллиардерлардан ёрдам сўради
21:40 / 02.10.2024
Қирғизистон Ўзбекистон туфайли гўшт экспортига вақтинчалик тақиқ жорий қилгани маълум бўлди
18:44 / 02.10.2024
Қирғизистоннинг 4 та пансионати Ўзбекистонга берилди
20:27 / 01.10.2024