Тошкент шаҳар ИИББ об-ҳаво бўйича ҳайдовчиларга эслатма билан чиқди

Тошкент шаҳар ИИББ қор ёғаётганда ва ер музлаганда автомобил бошқариш қийинлашиши ҳақида эслатма билан чиқди.

Фото: KUN.UZ

“ИИББ қор ёғаётганда ва ер музлаганда йўналишларнинг ўзгариши, тўхтатиш йўли узайиши ва кўриниш ёмонлашиши ҳақида эслатиб ўтади.

Янги ҳайдовчилар ҳамда автомобил бошқара олишига ишончи комил бўлмаганлар шахсий транспортда ҳаракатланмасликлари афзал”, - дейилади эслатмада.

Қайд этилишича, йўл-транспорт ҳодисаларига учраб қолмаслик учун масофа сақлаш, кескин тўхтамаслик ва тезликни оширмаслик лозим.