Перуда Хитойнинг коронавирусга қарши вакцинаси синовлари тўхтатилди

Маълум қилинишича, "синовлар вақтинчалик муддатга тўхтатилган ва бу кўнгиллилардан бирида неврологик муаммо пайдо бўлгани билан боғлиқ".

Фото: AFP

Перунинг "Каэтано Эредиа" университетида Хитойнинг Sinopharm компанияси ишлаб чиққан коронавирусга қарши вакцинанинг клиник синовлари тўхтатилди.

Тадқиқотчилар гуруҳи раҳбари Ҳерман Малаганинг маълум қилишича, "синовлар вақтинчалик муддатга тўхтатилган ва бу кўнгиллилардан бирида неврологик муаммо пайдо бўлгани билан боғлиқ".

"64 ёшли қатнашчилардан бирида неврологик симптомлар кузатилди. Биринчи навбатда ушбу синовларнинг хавфсизлиги муҳимлиги сабабли нима бўлганини аниқлаш учун тадқиқотни вақтинча тўхтатишга қарор қилдик", - деди у.

Ҳозирда Хитойда ишлаб чиқилган тўртта вакцина клиник синовларнинг учинчи босқичида. Улардан иккитаси Sinopharm, биттаси CanSinoBIO ва яна бири Sinovac компанияси томонидан ишлаб чиқилган.

Аввалроқ Ўзбекистонда Хитой Фанлар академияси Микробиология институтининг ишланмаси асосида Zhifei Longcom Biopharmaceutical Co. Ltd компанияси ишлаб чиққан коронавирусга қарши вакцинанинг учинчи босқич клиник синовларини ўтказиш ишлари бошлангани хабар қилинганди.

Тайёрлаган Дилшод Аскаров

#Перу #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.