Хитой Мянма билан чегарада 2 минг километрлик девор қурмоқда - ОАВ

Маълум қилинишича, деворнинг 660 кмлик биринчи қисми қуриб бўлинган. Таъкидланишича, “Жанубий Буюк Хитой девори” шартли номини олган лойиҳани 2022 йил октябригача якунлаш режалаштирилган. Бироқ Хитой ҳукумати ушбу қурилиш бўйича расмий баёнотлар бермаган. 

The Times нашрининг хабар беришича, фақат сентябрда “Жэнмин жибао” нашрида Юннан провинциясида Хитой коронавируснинг киришига йўл қўймаслик мақсадида “мамлакатга ноқонуний кириш ва уни тарк этиш олдини олиш учун” тўсиқлар қурилгани маълум қилинган.   

Radio Free Asia (RFA) Бирма сайтларига таяниб ушбу деворнинг суратларини эълон қилган. Суратларга кўра, девор 2х3 метрлик секциялардан иборат металл панжарадан иборат бўлиб, улар усти тиканли сим билан ўралган. Таъкидланишича, қурилиш якунлангандан кейин девор орқали электр ток ўтказилади, инфрақизил нурланишли датчикка эга кузатув камералари ҳамда деворга яқин келиш хавфли эканидан огоҳлантирувчи динамиклар ўрнатилади.

【中缅边境再建“长城” 防止国民外逃】
今年年初，中国政府在云南中缅边境地区建造围墙，以阻隔国民偷越国境。缅甸北部果敢族近期在境外社交平台披露，为防止中国民众外逃缅甸，代号“南方长城”的缅中边境隔断一期工程全部完工。长度660公里。另有云南畹町人称，官方于今年初已开始动工建墙。#前30年 pic.twitter.com/iZBllk77Ui

— 自由亚洲电台 (@RFA_Chinese) December 14, 2020

Мянманинг ушбу девор ўтган чегараолди аҳолиси RFA’га берган интервьюсида девор пайдо бўлгандан кейин Хитой ва Мянма ўртасида норасмий алоқалар ва чегараолди ҳудудлар аҳолисининг бир-бирини ўзаро иқтисодий қўллаб-қувватлаши тўхтаганини маълум қилган. Экспертларнинг таъкидлашича, ушбу девор нафақат хитойликларга чегарани бемалол кесиб ўтиб, Мянмада бизнес юритишларига имкон бермайди, балки диссидентларни Хитойдан қочиш имконидан маҳрум этади.