Тожикистон президенти МДҲда тақиқланган террорчилик ташкилотлари умумий рўйхатини тузиш таклифи билан чиқди

Тожикистон президенти Имомали Раҳмон МДҲга аъзо давлатлар ҳудудида тақиқланган террористик ташкилотларнинг ягона рўйхати тузишни таклиф қилди.

Фото: Тожикистон президенти матбуот хизмати

«Мен МДҲ доирасида МДҲга аъзо давлатлар ҳудудида тақиқланган террористик ва экстремистик ташкилотларнинг ягона рўйхати тузишни долзарб масала, деб ҳисоблайман», - деди Раҳмон жума куни Мустақил давлатлар ҳамдўстлиги (МДҲ) давлат раҳбарлари кенгашининг видеоконференция орқали бўлиб ўтган йиғилишида.

Раҳмон МДҲ Террорчиликка қарши курашиш марказига ихтисослашган кенгашлар билан биргаликда бундай рўйхатни шакллантириш бўйича ишларни бошлаш ҳақида топшириқ беришни таклиф қилди.