Жонсон Буюк Британияда янги чекловлар жорий этилишини эълон қилди

Чекловлар 30 декабргача давом этади ва ушбу муддатдан сўнг кўриб чиқилади.

Фото: PA

Буюк Британия бош вазири Борис Жонсон коронавирус тарқалиши сабабли Лондон ҳамда Англиянинг жануби-шарқи ва шарқида тўртинчи даражадаги чекловлар жорий этилишини эълон қилди.

Ушбу ҳудудлар аҳолиси ҳудуддан ташқарига чиқмаслиги, имконият бўлса уйдан туриб ишлаши ва мулоқотларни чеклаши лозим, деб хабар бермоқда BBC News. Озиқ-овқат дўконларидан бошқа дўконлар ва спорт заллари ёпилади.

Чекловлар 30 декабргача давом этади ва ушбу муддатдан сўнг кўриб чиқилади.

Эслатиб ўтамиз, 8 декабрда Буюк Британия дунёда биринчи бўлиб коронавирусга қарши оммавий эмлашни бошлади. Британия ҳукумати Pfizer ва BioNTech компаниялари ҳамкорликда ишлаб чиқарган вакцинадан фойдаланмоқда.

Тайёрлаган Дилшод Аскаров

#Буюк Британия #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.