Пентагон Сомалидан АҚШ қўшинларини олиб чиқишни бошлади

Сомалидаги АҚШ қўшинларини Шарқий Африкадаги бошқа базаларга кўчириш бошланган. АҚШ қуролли кучларининг Африкадаги қўмондонлиги раҳбари генерал Стивен Таунсенд Вашингтон минтақадан кетмаслигини билдирган.

Пентагон президент Доналд Трампнинг топшириғига биноан АҚШ ҳарбийларининг аксарият қисмини Сомалидан олиб чиқиб кетишга киришди. Бу ҳақда CNN телеканали хабар бермоқда.

Хабарда айтилишича, Сомалидаги АҚШ қўшинларини Шарқий Африкадаги бошқа базаларга кўчириш бошланган. АҚШ қуролли кучларининг Африкадаги қўмондонлиги раҳбари генерал Стивен Таунсенд Вашингтон минтақадан кетмаслигини билдирган.

Декабр бошларида Пентагон Трамп 2021 йил бошигача Сомалидан АҚШ қўшинларини олиб чиқиб кетишга буйруқ берганини маълум қилганди.

Сомалидаги Америка кучлари халқаро террорчи гуруҳларга қарши курашда ҳамда Сомали ҳарбийларини тайёрлашда ёрдам беради.