Ucell журналист ва блогерлар учун танлов ўтказди

«COSCOM» (Ucell савдо белгиси) уяли алоқа оператори вакиллари 16 декабр куни «Илм-фан, таълим ва рақамли иқтисодиётни ривожлантириш йили» ижодий тематик танлови ғолибларини тақдирлади.

Ушбу танловда жорий йилнинг 1 сентябрдан 30 ноябргача нашр этилган ижодий ишлар қабул қилинди. Ўзбек, қорақалпоқ ва рус тилларидаги материалларни телевидение, радио, газета, веб-сайтлар, шунингдек, блоглар ва телеграм каналлари вакили бўлган 43 нафар журналист тақдим этди. Иштирокчилар орасида энг ёши 18 ёш ва энг каттаси эса 83 ёш бўлди.

Танловда биринчи, иккинчи ва учинчи ўринлар учун ноутбуклар, смартфонлар, ташқи қаттиқ дисклар, бошқа иштирокчилар рағбатлантирувчи совғалар ва дипломлар билан тақдирландилар.

Ucell ахборот хизмати