Хитойда соатига 350 км тезликда юра оладиган юк поезди ишлаб чиқарилди

Таншан локомотивсозлик заводи соатига 350 км тезликда юра оладиган юк поезди ишлаб чиқарди. Бу ҳақда "Синхуа" агентлиги хабар бермоқда.

Компаниянинг таъкидлашича, дунёнинг ҳеч бир мамлакатида бундай поезд йўқ.

Локомотивнинг шакли хитой осётр балиғи кўринишида бўлиб, бу унинг аэродинамик хусусиятларини яхшилайди, деб ёзади агентлик.

Поездни ишлаб чиқишда UWB кенг полосали алоқа технологиялари, маълумотлар узатиш мобил тармоғи ва "Бэйдоу" навигацион тизими қўлланилган. 

 Поезддан 600 километрдан 1500 километргача бўлган масофаларга юкларни тезлик билан етказиб беришда фойдаланилади.