Хитойнинг Хэйлунцзян провинциясида жойлашган Хэйхэ шаҳрида эпидемиологик вазият сабабли жамоат транспорти қатнови тўхтатилди. Ушбу тақиқлов автобуслар билан бир қаторда таксиларга ҳам тааллуқли бўлади.
![](https://storage.kun.uz/source/6/sKb8LyqtvEZKBl3YnPVrYDVWst9B6M3-.jpg)
Таъкидланишича, транспорт иши тикланиши ҳақида кейинроқ маълум қилинади.
Хэйлунцзян соғлиқни сақлаш қўмитаси 28 декабрда Хэйхэда коронавируснинг ўткир шаклдаги штаммига чалиниш бўйича 4та янги ҳолат қайд қилинганини маълум қилганди.
Шу сабабли 1 январдан Хэйхэ аҳолисига шаҳарни самолётларда тарк этиш тақиқланганди.
Хэйхэ Амур дарёси бўйида жойлашган ва Россиянинг Благовешченск шаҳри билан автомобил кўприги ёрдамида боғланган.