Армен Саркисян ўз вазифасини вақтинча масофадан бажариб туради.
Фото: ТАСС
Арманистон президенти Армен Саркисян Лондонга сафари чоғида коронавирус юқтириб олди. Бу ҳақда Арменпресс ахборот агентлиги хабар берди.
"Арманистон президенти таътил доирасида янги йилни Лондонда оиласи ва набиралари билан кутиб олди. Президент 3 январ куни Лондонда оёғидан операция қилинди. Аммо президентда коронавирус инфекцияси аломатлари кўзга ташланди ва унинг топширган тести мусбат натижа берди", - дейилади хабарда.
Қайд этилишича, Саркисян ўз вазифасини вақтинча масофадан бажариб туради.
Аввалроқ Британия бош вазири Борис Жонсон мамлакатда коронавирус тарқалиши кучаяётгани сабабли янги миллий локдаун киритилишини эълон қилганди. Жонсоннинг таъкидлашича, коронавируснинг янги штамми тез тарқалиши ҳукуматни хавотирлантирмоқда.
