Фото: Samsung
Samsung Electronics компанияси ўз тарихидаги илк виртуал тақдимот First Look’да 2021 йилда ишлаб чиқарадиган янги телевизорларини тақдим қилди. Эътиборлиси, компания атроф-муҳит ҳақидаги қайғуриши сабабли янги телевизорларини қуёш батарейкаларида ишловчи янги пултлар билан жиҳозлашга қарор қилди.
Янги телевизорларнинг бошқарув пултини сунъий ёки табиий ёруғликдан ёхуд USB ёрдамида қувватлаш мумкин.
Таъкидланишича, бундай ечим эвазига кейинги 7 йил давомида ААА туридаги 99 млнта батарейканинг чиқиндига чиқарилиши қисқаради. Пултларни тайёрлашда қайта ишланган идишлардан олинадиган пластик қўллаш режалаштирилган.
