Трамп Байденнинг инаугурациясига бир соат қолганида БАА билан қурол сотуви бўйича шартнома имзолаган – ОАВ
БААга F-35 қирувчи самолётлари етказиб берилишининг якуний муддати ҳозирча тасдиқланмаган, аммо аввалроқ бу 2027 йилда амалга оширилиши режалаштирилганди.
АҚШ президенти Доналд Трамп маъмурияти сайланган президент Жо Байденнинг инаугурация маросимидан бир соат аввал БАА билан 50та F-35 қирувчи самолётлари ва 18та дрон сотилиши тўғрисида шартнома имзолаган. Бу ҳақда ўз манбаларига таяниб Reuters агентлиги хабар берди.
"Шартнома Байденнинг президент лавозимига киришишига бир соатча қолганида имзоланган", - дейилади хабарда.
Шартномани декабрда имзолаш мўлжалланганди, аммо муддатлар, самолётлар нархи борасидаги ноаниқликлар туфайли музокаралар январгача чўзилди. БААга F-35 қирувчи самолётлари етказиб берилишининг якуний муддати ҳозирча тасдиқланмаган, аммо аввалроқ бу 2027 йилда амалга оширилиши режалаштирилганди.
Агентликнинг маълумот беришича, Трамп маъмурияти Абу-Даби Исроил билан муносабатларни яхшилашга рози бўлиши эвазига мазкур шартномани имзолашга ваъда берган.