Германия беш мамлакат учун чегараларини ёпди

Германия коронавируснинг янги штаммлари тарқалиши сабабли мамлакатга кириш қоидаларини қатъийлаштирди. Бу ҳақда DW хабар бермоқда.

Хабарда айтилишича, 30 январдан 17 февралгача Германияга Португалия, Ирландия, Буюк Британия, ЖАР ва Бразилиядан келувчилар киритилмайди.

“Бу мамлакатларда коронавируснинг янги, ўта хавфли тури тез тарқалмоқда”, дейилади хабарда.

Ушбу тақиқ мамлакатга қайтаётган Германия фуқароларига нисбатан татбиқ этилмайди.

 Охирги маълумотларга кўра, Германияда коронавирус юқтирганлар сони 2,2 миллиондан ошган, 57,1 мингдан ортиқ киши вафот этган.