Германияда оғирлиги 400 тоннали харсангтошни кўзга ташланадиган қилиш учун 1,5 млн евро сарфланади

Германиянинг Алтентрептов шаҳрида оғирлиги 400 тоннани ташкил этувчи қадимий харсангтошни ердан қазиб олиш ва туристлар кўзига ташланадиган қилиш учун кўтариш ишлари бошланди.

 "Катта тош" деб ном олган бу харсангтошнинг оғирлиги 400 тонна атрофида бўлиб, у бу ерга қарийб 10 минг йил аввал Болтиқ денгизидаги Борнхолм оролидан келиб қолган. Ундан ҳам катта ва оғирлиги 550 тоннали яна бир харсангтош Рюген ороли олдида бўлиб, Бускам харсангтоши деб аталади.

Уни ердан қазиб олишга 240 минг евродан ортиқроқ маблағ сарфланади, лойиҳанинг умумий қиймати эса 1,5 миллион еврони ташкил этади. 

Мекленбург солиқ тўловчилар иттифоқи лойиҳа харажатларини жуда юқори деб баҳолади ва уни бюджет маблағларининг ноўрин сарфланиши сифатида ўзининг "қора китоб"ига киритди.