Германияда коронавирус чекловлари юмшатила бошланди

Қатор регионларда музей, галерея, ҳайвонот ва ботаника боғлари очилди.

Фото: Global Look Press/Patrick Pleul/dpa-Zentralbild/dpa

Германиянинг қатор регионларида коронавирус пандемияси сабабли жорий этилган чеклов чоралари юмшатила бошланди.

Эндиликда иккита оиланинг беш нафар аъзоси учрашишига рухсат берилади, кўчада эса ўн нафаргача одам гуруҳ бўлиб йиғилиши мумкин. Шунингдек, ноозиқ-овқат дўконлари ишлашига қўйилган тақиқ бекор қилинди.

Қатор регионларда музей, галерея, ҳайвонот ва ботаника боғлари очилди. Гап Баден-Вюртемберг, Гессен, Шимолий Рейн-Вестфалия, Саар, Саксония-Анхалт шаҳарлари тўғрисида кетмоқда.

Берлин ва Ҳамбургда косметика ва тату-салонлари ишлашига рухсат берилди.

Аввалроқ Германия канцлери Ангела Меркел 8 мартдан федерал ерлар эпидемиологик вазиятдан келиб чиқиб чеклов чораларини юмшатиш бўйича ўзлари мустақил қарор чиқаришлари мумкинлигини айтганди.

Шу билан бирга, Германияда умумий карантин режими 28 мартгача узайтирилган.

Тайёрлаган Дилшод Аскаров

#Германия #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.