Исландияда 6 минг йиллик ҳаракатсиз вулқон уйғонди

Исландиянинг Рейкянес яриморолида Фаградалсфял вулқони уйғонди. Бу ҳақда мамлакат метеорология бюроси хабар бермоқда. Вулқон Исландия пойтахти Рейкявикдан 40 км узоқликда жойлашган. 

«Вулқон узунлиги 500-700 метр атрофидаги ёриқдан чиқмоқда. Лава 1 км масофага ёйилган», — дейилади хабарда. 

Метеорологларнинг ҳисоб-китобига кўра, вулқон маҳаллий аҳоли, аҳоли масканлари ва инфратузилма объектларига хавф солмайди.

Associated Press агентлигининг ёзишича, Фаградалсфял вулқони 6 минг йилдан буён ҳаракатсиз турган.