Сурхондарё вилоятининг икки туманида табиий газ таъминоти вақтинча тўхтатилади

Таъмирлаш ишлари сабаб Олтинсойда 3 соат, Шеробод туманида 2 соат газ бўлмайди.

Сурхондарё вилоятида газ қувурларида таъмирлаш ишлари олиб борилади. Бу ҳақда вилоят ҳокимлиги матбуот хизмати хабар берди.

Қайд этилишича, шу сабабли жорий йилнинг 24 март куни соат 9:00дан 12:00гача Олтинсой туманида, соат 10:00дан 12:00гача Шеробод туманидаги барча аҳоли хонадонлари ва улгуржи истеъмолчиларида табиий газ таъминоти вақтинча тўхтатилади.

Таъмирлаш ишлари тугатилгандан сўнг, табиий газ таъминоти қайта тикланади.

«Ҳудудгаз Сурхондарё» газ таъминоти филиали маъмурияти таъмирлаш ишлари туфайли етказилаётган ноқулайликлар учун барча табиий газ истеъмолчиларидан узр сўраган.