Мирзо Улуғбек туманининг айрим ҳудудларида 2 кун давомида иссиқлик таъминоти ўчирилади

«Тошиссиққуввати» ДУК хабар беришича, Мирзо Улуғбек тумани Қорасув-3 мавзеси, Мингбулоқ кўчасига асфальт ётқизиш ишлари олиб борилиши муносабати билан мазкур йўл остидан ўтган магистрал иссиқлик тармоқлари ҳам янгиланмоқда.

Шу муносабат билан 27 мартдан 29 март соат 19:00 га қадар қуйида келтирилган манзилларда иссиқлик энергияси таъминоти вақтинчалик тўхтатилади:

• Қорасув-1, 2, 3, 4 мавзеларида;
• Дўрмон йўли кўчасида;
• БУЗ-2 мавзесида;
• Феруза мавзесида;
• Феруза кўчасида;
• Мирзо Улуғбек кўчасида.

Ушбу манзиллар иссиқ сув таъминотидан узилмайди.