3 апрель куни «Ҳумо Арена» муз саройида баҳор мавсумининг энг қизиқарли тадбирларидан бири – бокс турнири ўтказилиб, унда юртдошларимиз чемпионлик мақомлари учун Япония, Россия ва Венесуэла боксчиларига қарши курашга киришадилар. Pepsi Ўзбекистонда профессионал спортни фаол қўллаб-қувватловчи ва тарғиб қилувчи бренд сифатида мазкур тадбирнинг расмий ҳамкори ролида иштирок этади.
Оқшомнинг асосий кураши ўзбекистонлик Муроджон Аҳмадалиев ва япониялик Рёсуке Иваса ўртасида бўлади. Шунингдек, ишқибозлар Шаҳрам Ғиёсовнинг Россия боксчиси Исо Чаниевга қарши WBA International чемпионлик белбоғи учун курашини кўришлари мумкин бўлади. Рингга Венесуэла боксчиси Алексис Диасга қарши юртдошимиз Ҳасанбой Дўсматов ҳам чиқади. Иқболжон Холдоров эса россиялик Владимир Хордиенкога қарши ўзининг илк курашини ўтказади.
Реклама ҳуқуқи асосида
