Хоразм вилояти ҳокимига янги матбуот котиби тайинланди

Одилбек Жумабоевич Адамбаев Хоразм вилояти ҳокимининг матбуот котиби – ахборот сиёсати масалалари бўйича маслаҳатчиси этиб тайинланди.

Унга ҳокимлик фаолиятига доир ахборотларни шакллантириш ва расмий веб-сайтга жойлаштириб бориш, ўз вақтида ахборотларнинг янгиланишини таъминлаш вазифаси юклатилди.

Одилбек Адамбаев бу лавозимга тайинлагунга қадар «Халқ сўзи» газетаси мухбири бўлиб ишлаган эди.

Хоразм вилояти ҳокимининг собиқ матбуот котиби Шоназар Садикжанович Карриев «Хоразм ҳудудий электр тармоқлари» АЖ матбуот котиби сифатида иш бошлади.