Эрдўған Анқара Қримнинг Россияга қўшиб олинишини тан олмаслигини айтди

Туркия президенти Украина шарқидаги инқироз тинч йўл билан, мулоқот орқали ҳал қилиниши кераклигини таъкидлади.

Фото: EPA

Туркия президенти Ражаб Тоййиб Эрдўған Украина президенти Владимир Зеленский билан учрашувда Анқара Қримнинг Россияга қўшиб олинишини тан олмаслигини айтди. Бу ҳақда Daily Sabah нашри хабар берди.

"Биз Қрим аннексиясини тан олмаслик ҳақидаги қароримизни яна бир бор тасдиқладик", - дея Эрдўғаннинг сўзларидан иқтибос келтиради газета.

Шунингдек, Туркия президенти Украина шарқидаги инқироз тинч йўл билан, мулоқот орқали ҳал қилиниши кераклигини таъкидлади.

10 апрел куни Зеленский Туркия ва Украина ўртасидаги юқори даражали стратегик кенгаш йиғилишида иштирок этиш учун Туркияга ташриф буюрди.

Аввалроқ Кремль Россия президенти Владимир Путин ва Туркия президенти Ражаб Тоййиб Эрдўған ўртасида телефон орқали мулоқот чоғида Украина мавзусини муҳокама қилгани тўғрисида хабар берганди.

Тайёрлаган Дилшод Аскаров

#Қрим #Ражаб Тоййиб Эрдўған

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.