Европа иттифоқи Эронга қарши янги санкциялар киритди ва мавжуд санкцияларни яна бир йилга узайтирди.
Санкциялар рўйхатига Эронда инсон ҳуқуқлари бузилишига алоқадор 8 киши ва 3 компания киритилди.
“Бугун Еврокенгаш Эрондаги инсон ҳуқуқлари бузилишларига жавобан киритилган чекловларни 2022 йил 13 апрелгача узайтирди. Санкциялар рўйхатида жами 89 киши ва 4 нафар юридик шахс бор”, дейилган хабарда.
Таъкидланишича, рўйхатдаги жисмоний ва юридик шахсларга репрессияларда ва телекоммуникацияларни кузатишда қўлланиши мумкин бўлган қурилмаларни экспорт қилиш ҳамда пул воситалари ўтказиш тақиқланади.