Пекин Токиони ўзаро муносабатларни ёмонлаштирувчи ҳаракатлар қилишдан огоҳлантирди
Хитой Японияни сиёсий ҳужжатларда қайд этилган мажбуриятларга амал қилишга даъват этган.
Хитой Японияни икки томонлама муносабатларни ёмонлаштирувчи ҳаракатлар қилишдан огоҳлантирди. Хитойнинг Токиодаги элчихонаси ана шундай баёнот билан чиқди.
«Кейинги вақтда Япония томони Хитой билан боғлиқ масалалар бўйича қатор салбий ҳаракатларни амалга ошириб, томонлар ўртасидаги сиёсий ишончга жиддий путур етказди», — дейилади элчихона баёнотида.
Хитой Японияни сиёсий ҳужжатларда қайд этилган мажбуриятларга амал қилишга даъват этган.
«Биз Япония томонини йирик давлатлар қарама-қаршилиги пўртанасига тушиб қолмасликка чақирамиз», — дейилади баёнотда.
Баёнотда айтилишича, Япония ва АҚШ етакчиларининг қўшма баёнотида Хитойга нисбатан асоссиз айбловлар келтирилган ва бу Хитойнинг ички ишларига аралашув ҳисобланади.
«Шу муносабат билан Хитой томони кескин норозилик билдиради ва қатъий қарши чиқади. Хитой Япония ва АҚШга қатъий тақдимнома жўнатди», — дейилади унда.
Аввалроқ АҚШ президенти Жо Байден ва Япония бош вазири Ёсихидэ Суганинг Вашингтондаги музокаралар бўйича қўшма баёнотида Америка Японияни зарурат туғилса, ядро қуроли ёрдамида ҳимоя қилиши мумкинлиги айтилганди.
Мавзуга оид
21:37 / 22.10.2024
Хитой Тайван яқинида яна ҳарбий ўқувларни ўтказди
14:32 / 22.10.2024
Хитойда полициячи фарзандини йўқотган аёл учун ўн йилдан бери ўғил ролини ўйнаб келмоқда
01:15 / 22.10.2024
АҚШ тез орада Хитойдаги сунъий интеллект технологияларига инвестиция киритишни чеклайди
20:18 / 21.10.2024