Бали ороли яқинида Индонезия ҳарбий сувости кемаси йўқолиб қолди

У Бали ороли яқинида машғулот ўтказаётган бўлган, аммо белгиланган вақтда машғулот натижаси тўғрисида маълумот бериш учун алоқага чиқмаган.

Фото: Reuters

Индонезия ҳарбий-денгиз кучлари бортида 53 киши бўлган сувости кемасини қидирмоқда, деб хабар берди Reuters агентлиги.

Агентликнинг ёзишича, KRI Nanggala 402 сувости кемаси билан алоқа йўқолган. У Бали ороли яқинида машғулот ўтказаётган бўлган, аммо белгиланган вақтда машғулот натижаси тўғрисида маълумот бериш учун алоқага чиқмаган.

Индонезия ҳукумати Австралия ва Сингапурга кемани топишда ёрдам сўраб мурожаат қилди.

KRI Nanggala 402 сувости кемаси 1981 йилда Германияда қурилган.