Қўшимча функционаллар
-
Тунги кўриниш
АҚШ ўз қўшинларини ҳимоялаш учун Афғонистонга ялпи ўт очиш тизимларини жойлаштирмоқда
Фото: Reuters
АҚШ Афғонистондан ўз қўшинларининг хавфсиз олиб чиқилишини таъминлаш мақсадида Кувайтдан у ерга ялпи ўт очиш реактив тизимлари HIMARS’ни кўчириб ўтказмоқда. Бу ҳақда АҚШ қуролли кучларининг марказий қўмондонлиги СЕНТКОМ маълум қилди.
«HIMARS тизимлари қўшинлар олиб чиқилишини қўллаб-қувватлаш учун Кувайтдан Афғонистонга жўнатилмоқда», деб маълум қилинган хабарда.
Ўтган ҳафта Пентагон матбуот котиби Жон Кирби журналистлар билан брифингда АҚШ мудофаа вазири Ллойд Остин Афғонистондан америкалик ҳарбийларнинг олиб чиқилиши ортида улар ҳимоясини кучайтириш бўйича қўшимча чораларни маъқуллаганини маълум қилганди. Жумладан, гап АҚШ ҳарбий-денгиз кучларининг Dwight D. Eisenhower атом авиаташувчи кемаси СЕНТКОМ жавобгарлиги остидаги ҳудудда қолдирилиши ҳақида бормоқда. Бу ҳудудга Яқин Шарқ, Марказий Осиё ва Жанубий Осиёнинг баъзи ҳудудлари киради. Бундан ташқари, Остин минтақада муайян сонда узоқ масофаларга учувчи бомбардимончи самолётларни жойлаштиришни маъқуллаган.
Аввалроқ АҚШ ва НАТО Афғонистондаги баъзи ҳарбий базалардан қўшинларни ва техникани олиб чиқишни бошлагани маълум қилинганди. АҚШ президенти Жо Байденнинг таъкидлашича, Афғонистондан қўшинларни олиб чиқишни 11 сентябргача якунлаш режалаштирилган.
Мавзуга оид
12:00
АҚШ ва БАА Ғазо ва Ливандаги кескинликни камайтириш саъй-ҳаракатларини муҳокама қилди
11:40
Россия ТИВ АҚШ ядровий доктринадаги ўзгариш бўйича сигналга эътибор беришига умид қиляпти
10:10
Ўзбекистон ва Афғонистон Мозори Шарифда Имом ал-Бухорий номидаги мадрасани қуриш масаласини муҳокама қилди
08:50