Боррел ЕИни Россия билан муносабатлар узоқ муддатга ёмонлашишига тайёр туришга чақирди

Боррелнинг фикрича, Москва ҳозирда "қарама-қаршиликни кучайтиришга уринмоқда".

Европа иттифоқи Россия билан мураккаб муносабатлар узоқ давом этишини кутмоқда, деди Европа дипломатияси раҳбари Жозеп Боррел.

"Россия билан муносабатлар узоқ муддатга ёмонлашишига тайёр бўлиш лозим", - деди у Европарламентда қилган чиқишида.

Боррелнинг қайд этишича, "агар Россия астойдил хоҳиш билдирса, Брюссел бу муносабатларни яхшилашга тайёр". Аммо унинг фикрича, Москва ҳозирда "қарама-қаршиликни кучайтиришга уринмоқда".

У шунингдек, Россия билан алоқа каналларини ушлаб туриш кераклигини айтди.

Боррелнинг фикрича, ЕИ ва Россия Эрон ядроси муаммоси, иқлим ўзгаришига қарши кураш каби муҳим халқаро мавзуларда ҳамкорлик қилиши мумкин.